يا ترى إيه هو سر لقاء وزير الإسكان مع شركة بتعتبر أسطورة العقارات في اليابان، هل هنشوف فرص استثمارية جديدة للمستثمرين اليابانيين في مصر قريب، ولا الموضوع مرتبط بحاجة تانية، وإيه علاقة رأس الحكمة بالموضوع.. هنقولك كل التفاصيل في الفيديو فتابعنا للآخر.
في الساعات الأخيرة، وزير الإسكان المهندس شريف الشربيني، وزير الإسكان والمرافق، التقى كانازاوا يوكيو، أسطورة العقارات في اليابان، وصاحب شركة "تايتان كابيتال"، ونيوا كشيروا، وده كان لبحث سبل التعاون فى مجال التطوير العقاري، وتوطين التكنولوجيات الحديثة فى مصر.
وطبعا، اللقاء شهد عرض الفرص الاستثمارية المتاحة للشركات والمستثمرين اليابانيين فى مصر، وده دليل قوي جدا إن السوق المصري سوق واعد وجاذب للمستثمرين التقال، زي اليابانيين.
ونقدر نقول، إن العلاقات بين مصر واليابان قوية جدا، وفي الفترة الأخيرة الحكومة المصرية ممثلة في وزارة الإسكان، أصبحت حريصة على التعاون مع الشركا توالمستثمرين اليابانيين، فى مجالات عمل الوزارة، ومن ناحية الوزارة فهتقدم كل أوجه الدعم لهم بما يحقق مصلحة الطرفين.
ونقدر نقول كمان، إن مصر على مدار 10 سنين، من بداية تولي الرئيس عبدالفتاح السيسي، حققت نهضة عمرانية كبيرة فى جميع المجالات، وفى مقدمتها تنمية مدن الجيل الرابع، واللي هي مدن ذكية خضراء مستدامة، وبتوفر فرص عظيمة للاستثمار العقاري بكل صوره وأشكاله، ومش بس كده، لأ ده كمان بتوفر الفرص الاستثمارية في مختلف المجالات، بجانب الفرص المتاحة بالأجيال السابقة للمدن الجديدة.
أما بخصوص لقاء أسطورة العقارات اليابانية، فوزير الإسكان، قال إن في فرص استثمارية متاحة لها عشان تشتغل في العاصمة الإدارية الجديدة، ومدينة العلمين الجديدة، ومدينة المنصورة الجديدة، وغيرها من مدن الجيل الرابع، وبتتنوع الفرص دي ما بين مشروعات عمرانية متكاملة، ومشروعات خدمية، ومشروعات صناعية، ودي ممكن يتم تنفيذها بالمشاركة في المناطق الصناعية.
كمان الحكومة بقى عندها قدر كبير من المرونة والاستيعاب لكل أشكال المشاركة مع القطاع الخاص، وبتقدم كل الدعم والتوصيات بأفضل الفرص الاستثمارية المتاحة طبقا للاحتياجات الفعلية للسوق العقارية المصرية، ودلوقتي بتستهدف مجموعة من مشروعات الشراكة مع الشركات الأجنبية زي اليابان، وفي مقدمتها مشروع رأس الحكمة.
عشان كده، المخطط الاستراتيجي للتنمية العمرانية للدولة المصرية، واللي أعدته وزارة الإسكان بالتعاون مع الجهات المعنية، حدد العديد من مناطق التنمية، واللي بتوفر العديد من الفرص الاستثمارية، وخاصة فى الساحل الشمالى الغربى، واللي أصبح وجهة سياحية عالمية، جذبت خلال موسم الصيف الماضي، سياح من أكثر من 100 جنسية.
وبالتأكيد، كل ده هيوفر فرص استثمارية كتيرة وخاصة لإقامة الغرف والوحدات الفندقية عشان تستوعب حجم السياح المتزايد من كل أنحاء العالم.
ضيف على كل ده، أن الحكومة المصرية دلوقتي بتستهدف جذب الاستثمارات في مختلف الأنشطة الصناعية، عشان توطن الصناعات محلياً، كمان وزارة الإسكان بتسعى لتوطين الصناعات المتعلقة بمشروعات مياه الشرب والصرف الصحى وتحلية مياه البحر، والمستلزمات الكهربائية الخاصة بمشروعاتها، وفي فرصة كبيرة قدام شركة "تايتان كابيتال اليابانية" للشراكة في المجال دهؤ عشان كده وزير الإسكان دعا الشركة للمشاركة فى فعاليات المنتدى الحضري العالمي، واللي هتستضيفه مصر خلال الفترة من 4 : 8 نوفمبر المقبل، بمشاركة دولية واسعة من حوالي 175 دولة.
وده لأن تواجد شركة تيتان كابيتال في المنتدى، بيمثل لها فرصة كبيرة للتعرف على الأسواق العربية والإفريقية، وتوقيع العديد من اتفاقيات التعاون المشترك بين الجانبين.
ومن هنا، الشركة اليابانية رحبت بالمشاركة في المنتدى الحضري، وأبدت رغبتها فى نقل جزء كبير من استثماراتها لمصر، واللي بتقدر بـ8 مليار دولار، وده طبعا عشان مصر سوق واعدة للاستثمار، وبوابة للانطلاق للسوق العربية والإفريقية، بسبب موقعها الاستراتيجي ودورها الرائد في منطقة الشرق الأوسط.
0 تعليق