منة عدلى القيعى تكشف تفاصيل علاقتها بخطيبها:" يوسف كل يوم بيبهرنى"

كشفت الشاعرة الغنائية “منة عدلي القيعي” عن تفاصيل خطبتها على الفنان يوسف حشيش بعد يومين من احتفالهما بهذه المناسبة،وكيف بدأت علاقتهما.

منة عدلى القيعى تكشف تفاصيل خطبتها:

قالت منة عدلي القيعي وذلك خلال حلولها ضيفة على برنامج "الستات" الذي يقدمه كل من مفيدة شيحة وسهير جودة : "شريك الحياة يفرح لنجاحك ويدعمك وينور لنجاحك، وطبيعي أن الشريك يبقى عنده مشكلة في التأخير، لو مش من باب الغيرة يبقى من باب القلق، بس هنا بقى الشخص اللي يعرف يتقبل ويفرق ويدعمك، وأنتِ كمان ماتسوقيش فيها أوي، معظم الناس اللي بشتغل معهم بيتحولوا لأصدقاء عيلة مش بس شخصي"

" title="YouTube video player" frameborder="0">

وعلقت “منة عدلي” عن فيديوهات خطيبها “يوسف حشيش” التي كان يعارض فيها فكرة الارتباط، قائلة: "ارتبطنا في بداية رمضان الماضي، يوسف طيب أوي، وبداية تعارفنا على بعض كانت ارتباط على طول مكنش في أصحاب قبلها، تعارفنا كان لأننا في نفس الدواير، وبتفرج على المحتوى بتاعه، وعاملين لبعض متابعة، ومعجبين بشغل بعض، بس ما نعرفش بعض، بس كنت أسمع بقى أن البنات كلها بتحبه، وعرفت عنه من المعجبين، هو له ستايل لذيذ في الكلام وابن ناس جدا جدا، وبعدين ابتدينا نتكلم ومطولناش أوي في المعرفة".

وأضافت: هو كل يوم مع الوقت كان بيبهرني، والابهار مش بمعايير اليومين دول والحركات، بيبهرني بالحاجات الحقيقية اللي مكنتش بقابلها، زي تقبله للآخر وطيبته وبيسمع جدا ومش شخص ذكوري رغم أنه محتواه يبدو أنه ذكوري بس هو مش كدة، في رمضان كنا بنتقابل كتير لحد ما في يوم قال لي تعالي ننزل نتكلم وكنت مخمنة أن عنده فضول يعرفني أكتر، يوسف بقاله كتير ما بيعملش محتوى المج الأخضر والناس فاكرة ان أنا السبب"